كيف ممكن ابدا كل سنة مع وضوح ؟
كيف ممكن ابدا كل سنة مع وضوح ؟
كيف ممكن ابدا كل سنة مع وضوح ؟
الكُل عم يلخص ال 2018 , وكيف انا عم الخص ال 2019 ؟!
من اهم الاشياء
اللي عم اتعلمها من النجاعة وعم اذوتها مع الوقت هو التطلع لقدام ,
اكيد مهم التلخيص,
اكيد مهم استنتاج العبر, اكيد مهم نُمرق على الاشياء اللي صارت ونتعلم منها ,
ولكن , وبرأيي الأهم
هو "التقدُّم" - نطلع على اللي جاي ...
مش ضروري ومش صحي
انه التلخيص يسحب من وقتي ومن طاقاتي , حتى
ما أبدا مع حالي في "جلد الذات" مع الاشياء اللي ما اتقدمت ,
مع الاشياء اللي ما
تحققت ...
وانما – أشغل حالي
بالاسئلة مثل :
·
شو رح اعمل أفضل
السنة الجاي لحتى احقق "أكثر"
·
أي عادات رح ادخلها
على حياتي حتى تساعدني في تحقيق الاحلام والمشاريع اللي وضعتها لنفسي؟
·
أي ادوات ممكن
اكتسبها رح تحسن من تعامُلي مع الامور في "رؤية الامور" من وجهة منظور
ناجع اكثر وايجابي اكثر ؟
ليش ؟ عشان اتقدم ,
اتحرك , احقق, أعمل وما اضل غارقة بالسلبيات, بالنواقص , بالأشياء اللي ما انعملت
!
واحدة من افضل
المهارات اللي تطورت عندي السنة وعنجد صارت جدا قريبة على قلبي وحبيبتها كتير :
"التخطيط الناجع" :)
التخطيط اللي عم
احكي عنه هو مش بس الاوراق الصغيرة الصفراء المليانة بالمهمات والقصد : CHECKLIST
(وهادا الاشي الاكثر شائع مع كل
واحد بيعمل تخطيط )
وانما "القدرة
على الحلم " وقت التخطيط ...
القدرة اللي تطورت
عندي, هي قدرة التوقف للحظة, قدرة تخيل الواقع القادم, قدرة رؤية الامكانيات,
احساسها , تخيلها ...
لحتى اني اكتسبت هالعادة
وتمرنت عليها كتير لسبب نجاعتها وفائدتها ...
الاشي بدأ - بعد قراءة كتاب جدا رائع وضروري لكل مدربة في النجاعة وتغيير العادات :)
قوة العادات – تشارلز
دوهينج \ Charles Duhigg- The power
of Habit
فيه بيحكي عن قصة
السباح العالمي الاميركي مايكل فيلبس – Michael Phelps , اللي بفضل "عادة ذهنية" اكتسبها من
مدربه الخاص, واللي سماها :
Play the Video – أو
"شغّل الفيديو "- والقصد منها ,
انه يتخيل وقبل ما يبدا أي مسابقة في السباحة, يتخيل مسار السباحة بكل تفاصيله
الدقيقة جدا, ويتخيل حتى الربح والمتعة بعد انهاء مسار السباحة ... كل هادا طبعا في
الخيال, ومجرد تشغيل الكاسيت اللي بيحوي هادا الخيال خلى السباح العالمي يربح 8
ميداليات ذهبية في أولمبياد 2012 !
هاي قدرة ممكن
اكتسابها حتى نتخيل الواقع اللي احنا منحلم نوصل اله , نشوف الامكانيات قدامنا ...
تخيلي مع حالك انك
ممكن تحددي :
-
شو رح يصير السنة
-
أي من النتائج رح
تتحق
-
في أي حالة نفسية
رح تعملي حتى تحققي رغباتك
-
كيف رح تشعري, واي
مشاعر حابة ترافقك
-
لايش رح تخصصي وقتك
وشو رح تدخلي عليه ...
وتخيلي انه كل هادا بسيطرتك انت :)
وهادا اللي صار معي
انا السنة ... وانا اليوم بقناعة تامة انه الاشي بسيطرتي
والاشي
"عنجد" بسيطرتك انت كمان !
انت بتقدري تحددي
الاشياء اللي انت بدك اياها تصير اذا بس آمنتي انه ممكن .
وحتى لو مش 100%...
بكفي الوعي والادراك يوصل عندك لمكان انك تآمني انه السيطرة على حياتك هي في ايدك
انت , وانه انت عندك القدرة تأثري على حياتك ... هادا بحد ذاته رح يوصلك لمكان
مختلف لنهاية السنة.
عشان هيك ... اكتسبت هاي العادة الجديدة ورح ابدا من اليوم ... ومن هاي السنة ومع نهايتها الخص السنة اللي جاي :)
كتير مهم بالنسبة
لألي ارفع درجة الوعي والتركيز على الاشياء اللي عنجد مهمة بالنسبة الي للسنة
القريبة واخلق هادا التركيز من داخلي , من قلبي ومن مشاعري ومش بس من عقلي ...
لأنه العقل كتير
مرات ... بعوقنا ويدخلنا على سجن "الامكانيات المحدودة" في حياتنا !
وفي لحظات الحلم
وبناء الرؤيا بدي قلبي ومشاعري هم اللي يقودوني ...
لانه المشاعر الداخلية ودقات القلب بيعرفوا كتير اشياء اكثر من العقل ... صدقيني :)
مشكلتنا المركزية
انه احنا ما منوقف ابدا حتى نحلم !
واذا وقفنا نحلم ما
منعطي حالنا ابدا حتى نطير في الحلم !
شو رح يصير اذا
كتبت اشي انا عم احلم فيه ما قدرت احققه ؟
شو رح يصير اذا قلت
شغلة معينة وما كنت للآخر عند كلمتي ؟
شو بقول عني اذا
صرحت على تحقيق اشي معين وبعدين غيرت رأيي
؟
انا بقلك اسا وبشكل
واضح
ما
بقول عنك ولا إشي !!!!
بقول بس انه تركيزك
وطاقاتك كانت في تركيز على موضوع معين مع بداية السنة وكنت مُصغية لنفسك على طول
الطريق وكنت كل الوقت عم تزيدي اكثر تركيز وعم تحددي اكثر وعم تكوني
"ليزر" اكثر وعم تشتغلي على الموضوع كل الوقت.
"الورق بيتحمل
"- واذا ما اعطيتي نفسك الامكانية في الحلم وفي الطيران في الحلم , كيف ممكن
توصلي حتى لنص الطريق – ربع الاشياء اللي حلمتيها ؟
واسا :)
بعد كل هاي المقدمة
...
بدي اعطيكي تمرين
جدا قصير وبسيط
يلي رح يساعدك
تخلقي "الرؤيا" وتخلقي تصريحات ونواياك "الدقيقة" للسنة الجديدة.
"كانت
سنة اكثر من رائعة"
افتحي صفحة بيضة
بقلب دفتر مميز عندك واكتبي العنوان : "تلخيص سنة ال ------------ "
السنة اللي عمليا رح تبدا, وفي هالحالة سنة ال 2019 اللي قربت توصل وانا بدي الخصها :)
لحتى تكون الكتابة
معك سهلة ...
ابدأي بالجملة :
"كانت سنة اكثر من رائعة !"
واستمري وبكل بساطة
ومن غير تفكير وتعقيد... كل الامور اللي كانت رائعة في هاي السنة .
أفكار ممكن توجهك :
·
شو عملتي وشو
الاشياء اللي صارت معك بالطريق؟
·
مين الناس اللي
اشتغلتي معهم والتقيتي فيهم خلال السنة ؟
·
كيف حسيتي ؟
·
قديش كسبتي مصاري
هاي السنة ؟
·
وين سافرتي ؟
·
شو الاشياء الممتعة
والمميزة اللي عشتيها خلال السنة, او مغامرات مثلا ؟
·
أي عادات جديدة وصلتك
للمكان اللي انت بدك اياه ؟
·
شو اللي خلاكي
تشعري مع حالك أفضل؟
·
وطبعا كل اشي
استرسالي وباطني وطالع من القلب عندك رغبة تكتبيه ما تمنعي حالك ابدا ...
انتبهي ! في الكتابة ما اطرقت ابدا ل
"كيف" عملت هاي الاشياء, وانما "ايش" عملت, كيف حسيت , لأي
نتائج انا وجهت تركيزي.
شو الفكرة ؟
هاي طريقة اساسها انه تقوي في الوعي
والادارك تبعك الطريق اللي رح تختاريه لنفسك مع السنة القريبة .
فكري قديش الاشي رح يسهل على دماغك
وتفكيرك وعلى اللاواعي تبعك في التقاط الفرص والشعور فيها من بعيد,
كيف رح تشعري كأنه الاشياء مفهومة ضمنا
لانك عشتي الاشي ذهنيا في راسك وحلمتيه ...
قديش الاشي رح يقلب واقع ويوصله لمكان شيق اكثر وخفيف ... مثل الشعور ب – DEJE VU
اشهر الرياضيين في العالم – مثال
فيلبيس – استعملوا طريقة "Play the Video" قبل
كل مسابقة مهمة, لانه هيك هم بيعيشوا الانتصار والربح قبل ما يسمعوا صفارة
الانطلاق .
وهيك انت ممكن تشعري بالسنة القريبة
عليكي ...
كأنك نجحتي
روعة لا ؟ :)
شو رأيك عزيزتي ؟
شوحبيتي في البوست
؟ شو تعلمتي ؟
رح تلخصي معي السنة
الجاي؟
بكون مبسوطة اذا كمان بتشاركيني ...
*****************************************************************************************************
بتحبي تسمعي مني
كمان مضامين ...
رح انزل قريبا
فعالية ارشادية (في الفيديو) مجانية :
"أنجع Starter لل 2019"
وينتا :
الفعالية رح تبدا الاثنين 14.1.2019
وتنتهي الجمعة في بث مباشر في المجموعة - يوم 18.1.2019
سجلتي على اليوميات ؟ :)
كل اللي مطلوب منك الانضمام لمجموعتي في الفيسبوك "امهات ناجعات" على اللينك :
الى اللقاء قريبا
جدا !
فداء غنيمة
شكرا فداء على الطاقات الخلوة اللي بتبثيها ولتبادل المعرفة اللي بتتقاسمي معنا من خلال تجربتك الشخصية والمهنية .. انت جدا مهنية ومش مفهوم ضمنا كل ما تكتبينه من اجل اعطاءنا فرصة الايمان وتحقيق الذات والرغبة كل يوم للتغيير وان نحتفي بانجازاتنا اليومية
حتى لو كانت بسيطة .. شكرا شكرا شكرا🌷🌷🌷